महात्मा गांधी राष्ट्रीय ग्रामीण रोजगार हमी योजना: मागेल त्याला शेततळे

महा गां रा ग्रा रोज हमी योज अंतर्गत शेततळ्यांच्या अस्तरीकरणास परवानगी देण्याबाबत नियोजन विभाग शासन निर्णय दिनांक 06.04.2021

शासन निर्णय -:
महात्मा गांधी राष्ट्रीय ग्रामीण रोजगार हमी योजनेअंतर्गत कृषी विभागामार्फत भूस्तराप्रमाणे शेततळे घेण्याबाबत दि. २८ फेब्रुवारी, २०१४ च्या शासन निर्णयान्वये मान्यता देण्यात आली असून, महाराष्ट्रातील भौगोलिक परिस्थिती भिन्न-भिन्न स्वरुपाची असल्यामुळे व सर्व ठिकाणी सारखाच भूस्तर आढळून येत नसल्यामुळे भूस्तराच्या वर्गवारीनुसार शेततळे खोदण्याचे एकूण ६ उपाय सूचविण्यात आलेले आहेत. सदर उपायांपैकी १०० % मजूरामार्फत करावयाच्या शेततळ्याच्या उपाय क्र.१ मधील (इनलेट आऊटलेटसह अ व इनलेट आऊटलेट विरहीत-ब) (एकूण ९ -आकारमानांपैकी ८ आकारमानच्या) शेततळ्यांचे महात्मा गांधी राष्ट्रीय ग्रामीण रोजगार हमी योजनेअंतर्गत अस्तरीकरणास या शासन निर्णयाद्वारे मान्यता देण्यात येत आहे. कृषि विभागाने प्लास्टीक अस्तरीकरणासाठी निश्चित केलेले निकष व प्रस्तावित केलेले प्लास्टीक अस्तरीकरणाचे दर विचारात घेऊन तयार करण्यात आलेले सदर घटकाचे आर्थिक मापदंड परिशिष्ट-अ सोबत जोडण्यात आलेले आहेत.
अधिक व सविस्तर माहितीसाठी वरील शासननिर्णयाच्या PDF वर Click करून download करून माहिती मिळवून घ्यावी..........

मागेल त्याला-शेततळे योजनेंतर्गत अभिसरणाद्वारे शेततळे घेणेबाबत-अंतर्गत कृषि विभागामार्फत घेण्यात येणाऱ्या शेततळयाांचे आर्थिक नियोजन विभाग शासन निर्णय दिनांक 29.12.2020

महात्मा गांधी राष्ट्रीय ग्रामीण रोजगार हमी योजनेअंतर्गत शेततळ्याची कामे ६०:४० या अकुशल : कुशल प्रमाणामध्ये मजूर व साहित्याद्वारे खोदण्यासाठी विविध आकारमानातील इनलेट आऊटलेटसह व इनलेट आऊटलेट विरहित शेततळ्याच्या आयुक्त (कृषि), मृद, जलसंधारण व पाणलोट क्षेत्र व्यवस्थापन, कृषि आयुक्तालय, पुणे यांनी प्रस्तावित केलेल्या सुधारित आर्थिक मापदंडाच्या प्रस्तावास मान्यता देण्यात येत असून त्यानुसार शेततळ्याची कामे घेण्यात यावी. याबाबत इतर अटी शर्ती या शासन निर्णय दि.२८ फेब्रुवारी, २०१४ प्रमाणे असतील.

शासन निर्णय दि.२८ फेब्रुवारी, २०१४ अन्वये विहित केल्याप्रमाणे उपाय क्र. २ ते ६ नुसार शेततळे खोदावयाचे असेल त्यावेळेस मंडळ कृषि अधिकारी यांनी सदर शासन निर्णयातील परिशिष्ट २ व कृषि सहायकाने परिशिष्ट ३ मध्ये दिलेल्या नमुन्यामध्ये, भूस्तराप्रमाणे इतक्या मीटर खोलीचे काम मजूरामार्फत करण्यात आलेले असून त्यापुढील खोलीकरणाचे काम मजूरामार्फत करणे शक्य नाही व त्यामुळे प्रत्यक्ष आढळणाऱ्या भूस्तरानुसार खोदकामासाठी योग्य असणाऱ्या साहित्याचा वापर करुन उर्वरित खोदकाम करण्यात येणार असल्याबाबतचे संबंधित प्रमाणपत्र देणे आवश्यक आहे. विविध आकारमानातील इनलेट आऊटलेटसह व इनलेट आऊटलेट विरहित शेततळ्याचे उपाय क्र.१ ते ६ चे सुधारित आर्थिक मापदंड अनुक्रमे परिशिष्ट क्र.१ व परिशिष्ट क्र.२ अन्वये सोबत जोडण्यात आलेले आहेत. त्यास अनुसरुन सदर कामे घेण्यात यावीत.
संगणक संकेतांक २०२०१२२९१६५५०८०६१६

अधिक व सविस्तर माहितीसाठी वरील शासननिर्णयाच्या PDF वर Click करून download करून माहिती मिळवून घ्यावी……….