ग्रामपंचायत हद्दीत : जाहिरात फलक, होर्डिंग्ज बोर्डसाठी मान्यता देण्याचे अधिकार

ग्रामपंचायत हद्दीत जाहिरात फलक (होर्डिंग्ज) लावण्याच्या परवानगीबाबत धोरण/नियम करण्याकरिता समिती स्थापन करणेबाबत
महाराष्ट्र शासन ग्राम विकास विभाग शासन निर्णय क्रमांकः व्हीपीएम २०२५/०९/पंरा-४ (ई-ऑफीस क्र. ९७१०३४) बांधकाम भवन, मर्झबान पथ, फोर्ट मंत्रालय, मुंबई-४०० ००१ तारीखः ६ मे २०२५

ग्रामपंचायत हद्दीत ग्रामपंचायतीला कोणत्याही प्रकारचे जाहिरात फलक / होर्डिंग्ज बोर्डसाठी मान्यता देण्याचे अधिकार नसल्याबाबत मा. उच्च न्यायालयाच्या आदेशांची अंमलबजावणी.
महाराष्ट्र शासन ग्राम विकास व पंचायती राज विभाग शासन परिपत्रक क्र. व्हीपीएम-२०२४/प्र.क्र.१३३/पंरा-४ दिनांक :- २६ नोव्हेंबर, २०२४

मा. मुंबई उच्च न्यायालयाच्या रिट याचिका.क्र. ८६५७/२०२४ संदर्भातील दि.२१.८.२०२४ च्या आदेशात निदर्शनास आल्याप्रमाणे महाराष्ट्र ग्रामपंचायत अधिनियम १९५९ तसेच त्याअंतर्गत अस्तित्वात असलेल्या नियमात व महाराष्ट्र ग्रामपंचायत कर व फी नियम १९६० मध्ये ग्रामपंचायतीच्या हद्दीमध्ये ग्रामपंचायतीला कोणत्याही प्रकारचे जाहिरात फलक / होर्डिंग्ज लावण्यासाठी ना-हरकत प्रमाणपत्र अथवा परवानगी देण्याची तरतुद नाही. सबब राज्यातील ग्रामपंचायतींनी, ग्रामपंचायतीच्या हद्दीमध्ये कोणत्याही प्रकारचे जाहिरात फलक / होर्डिंग्ज लावण्यासाठी ना- हरकत प्रमाणपत्र अथवा मान्यता देण्याचे नियमबाह्य कृत्य करु नये. नियमबाह्य कृत्य करणाऱ्या संबंधितांवर प्रचलित कायद्यतील तरतुदीनुसार कारवाई करण्यात येईल. राज्यातील सर्व ग्रामपंचायतींनी त्यांच्या हद्दीतील अनधिकृत जाहिरात फलक / होर्डिंग्ज काढून टाकण्याची तात्काळ कार्यवाही करावी.

अधिक व सविस्तर माहितीसाठी वरील शासननिर्णयाच्या PDF वर Click करून download करून माहिती मिळवून घ्यावी……….