महात्मा गांधी राष्ट्रीय ग्रामीण रोजगार हमी योजना : वैयक्तिक लाभाच्या कामासाठी लागणाऱ्या साहित्य खरेदी- MGNREGS : Purchase of materials required for work yielding personal benefit

प्रत्यक्ष साहित्य खरेदी प्रक्रिया –
a. तांत्रिक अधिका-याने या कामांसाठी मंजूर अंदाजपत्रकानुसार (साहित्य आवश्यक परिमाण प्रपत्र) (Material consumption statement) लागणा-या साहित्याबाबतचा तपशील ग्रामपंचायतीकडे सादर करावा. (परिशिष्ट-‘अ’ मध्ये नमूद केल्याप्रमाणे).
b. लाभार्थीनी साहित्याच्या आवश्यकतेनुसार ग्रामपंचायतीकडे संपर्क साधावा.
c. ग्रामपंचायत अंमलबजावणी यंत्रणा असल्यामुळे, साहित्य पुरवठा ग्रामपंचायतीमार्फत करण्यात यावा.
d. मंजूर दरानुसार व तांत्रिक अधिका-याने प्रमाणित केलेल्या परिमाणाच्या मर्यादेत, ग्रामपंचायतीने लाभार्थीच्या मागणीनुसार निश्चित विक्रेत्याला पुरवठा आदेश निर्गमित करावे. पुरवठा आदेशाची प्रत लाभार्थ्याला देण्यात यावी. (पुरवठा आदेश नमुना – परिशिष्ट- ‘ब’).
e. लाभार्थ्याने विक्रेत्याकडे संपर्क साधून परिशिष्ट ब मध्ये नमूद केल्याप्रमाणे साहित्याची उचल करावी.
निश्चित केलेल्या विक्रेत्याने ग्रामपंचायतीच्या नावाने देयके सादर करावे. देयकावर ग्रामपंचायतीच्या नावासोबत कंसामध्ये लाभार्थीचे नाव नमूद करावे.

देयके अदा करण्याची पध्दत :
a. पुरवठा केलेल्या साहित्याचा वापर कामात झाल्यानंतर, तांत्रिक अधिका-याने त्याचे मुल्यांकन करावे.
b. मुल्यांकनानंतर मोजमाप पुस्तिकेत (MB) मोजमापे नोंदवून ग्रामपंचायतीकडे सादर करावे.
c. ग्रामपंचायतीने मुल्यांकनाच्या मर्यादेत विक्रेत्याला देयकाची रक्कम धनादेश/ RTGS व्दारे अदा करावी.
d. मुल्यांकनाची रक्कम देयकाच्या रकमेपेक्षा कमी आढळल्यास, फरकाची जबाबदारी लाभार्थीवर राहील.